Daxili Nəzarət üzrə Ekspert

Təsvir

Tənzimlənən maliyyə sektorunda daxili nəzarət sistemini gücləndirmək, risk-əsaslı yanaşma ilə işləmək və ödəniş təşkilatının fəaliyyətinin qanunvericilik və Mərkəzi Bank tələblərinə uyğunluğunu təmin etməkdə həlledici rol oynayacaq təcrübəli ekspert axtarırıq.

Vəzifə Öhdəlikləri

• Təşkilatın fəaliyyətinin qanunvericiliyə, Mərkəzi Bankın normativ aktlarına və daxili reqlament sənədlərinə uyğunluğunun müstəqil monitorinqi və qiymətləndirilməsi.

• Daxili nəzarət siyasətinin, qaydalarının və prosedurlarının hazırlanması, yenilənməsi və icrasına nəzarət.

• Daxili nəzarət prosedurlarının icrası, çatışmazlıqların aşkarlanması, kök-səbəb analizi və idarəetmə orqanına sənədli formada hesabat verilməsi.

• ƏL/TMM (AML/CFT) üzrə daxili nəzarət proqramının icrası, şübhəli əməliyyatların monitorinq prosesində iştirak.

• Mərkəzi Banka təqdim edilən dövri hesabatların hazırlanması, düzgünlüyünün və tamlığının yoxlanılması.

• Struktur bölmələr arasında maraqlar münaqişəsinin idarə edilməsi üzrə prosedurların tətbiqi.

• Üçüncü tərəf təchizatçıların xidmətlərindən istifadə zamanı müvafiq tələblərə əməl edilməsinin yoxlanılması və qiymətləndirilməsi.

• Risk qiymətləndirmə, risk matrisi və risk limitlərinin hazırlanmasında və yenilənməsində aparıcı iştirak.

• Aşkar edilmiş pozuntu və çatışmazlıqların aradan qaldırılması üzrə tədbirlərin icra vəziyyətinin nəzarətdə saxlanılması.

• Yeni ödəniş xidmətləri və məhsulların təqdim edilməsi zamanı risk və nəzarət baxımından ekspert qiymətləndirməsinin verilməsi.

• Daxili nəzarət üzrə az təcrübəli əməkdaşlara metodiki dəstək göstərilməsi.

Tələblər

Tələblər və Bacarıqlar

• Daxili nəzarət, daxili audit, komplayens və ya risklərin idarə edilməsi sahəsində minimum 3 il iş təcrübəsi.

• Maliyyə, hüquq, iqtisadiyyat, mühasibatlıq və ya əlaqəli sahədə ali təhsil.

• `Ödəniş xidmətləri və ödəniş sistemləri haqqında` Qanun və müvafiq Mərkəzi Bank normativ aktları üzrə dərin bilik.

• `Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında` Qanunun tələbləri üzrə praktiki bilik.

• COSO, ISO 31000 və ya digər daxili nəzarət / risk çərçivələri üzrə anlayış.

• Risk qiymətləndirmə, risk matrisi və risk limitləri ilə işləmə təcrübəsi.

• Daxili audit metodologiyaları və hesabat texnikaları üzrə bilik.

• Analitik düşüncə, müstəqil qərar qəbuletmə qabiliyyəti, detal-yönlü yanaşma və yüksək məsuliyyət hissi.

• Bank, bank olmayan kredit təşkilatı və ya ödəniş sektorunda iş təcrübəsi üstünlükdür.

Dil Bilikləri

Azərbaycan dilində səlis yazılı və şifahi ünsiyyət bacarığı.

İngilis dili – Yaxşı səviyyədə (normativ aktlar və beynəlxalq standartların oxunması üçün).

Rus dili – Arzu olunandır