Kimyəvi Analiz Laborantı

Vəzifə öhdəlikləri:

• Laboratoriyaya daxil olan nümunələri qəbul etmək, qeydiyyata almaq və analiz üçün hazırlamaq;
• Kimyəvi analizlər üçün istifadə olunan cihaz, avadanlıq və laboratoriya ləvazimatlarını hazırlamaq, kalibrləmək və işlək vəziyyətdə saxlamaq;
• Laboratoriya avadanlıqlarının (tərəzilər, pH metrlər, dozatorlar, qarışdırıcılar, büretlər və s.) işlək vəziyyətini yoxlamaq, nasazlıqları aidiyyəti şəxslərə bildirmək;
• Cihazların, avadanlıqların və laboratoriya sahəsinin təmizliyini və səliqəsini təmin etmək;
• Kimyəvi reagentlərin mövcudluğunu nəzarətdə saxlamaq, çatışmazlıq yarandıqda aidiyyəti üzrə məlumat vermək;
• Müxtəlif istehsal sahələrindən daxil olan siyanid tərkibli torpaq nümunələrinin kimyəvi analizlərini aparmaq;
• Qiymətli metalların analizi üçün nümunələri müvafiq kimyəvi reagentlərdən istifadə etməklə hazırlamaq;
• Analiz nəticələrini hesablamaq, qeydiyyata almaq və laboratoriya mühəndisinə təqdim etmək;
• Kimyəvi maddələrin təhlükəsiz istifadəsi, saxlanılması və utilizasiyası qaydalarına ciddi riayət etmək;
• Laboratoriyaya daxil olan reaktivlərin və digər materialların qəbulunda, daşınmasında və yerləşdirilməsində iştirak etmək;
• Komanda üzvləri ilə əməkdaşlıq etmək, növbənin fasiləsiz davamlılığını təmin etmək və zərurət yarandıqda qarşılıqlı dəstək göstərmək;
• Laboratoriyada yaranan problemlər barədə rəhbərliyi vaxtında məlumatlandırmaq;
• Birbaşa rəhbər tərəfindən verilən və vəzifəyə uyğun digər tapşırıqları yerinə yetirmək.

Tələblər:

• Kimya, Kimya Mühəndisliyi, Biologiya, Biotexnologiya, Mikrobiologiya, Kimya Müəllimliyi, Biologiya Müəllimliyi, Torpaqşünaslıq və Aqrokimya, Laboratoriya işi və ya əlaqəli sahə üzrə ali təhsil; 
• İş təcrübəsi arzuolunandır.
• Kimyəvi analizlər və laboratoriya avadanlıqları ilə işləmək bacarığı;
• Kimyəvi maddələrlə təhlükəsiz işləmə qaydaları üzrə biliklər;
• Komanda ilə işləmək və növbəli iş rejimində fəaliyyət göstərmək bacarığı;
• Namizədlərin Gədəbəy, Qarabağ bölgəsi və yaxın bölgələrdən olması arzuolunandır;
• Məcburi köçkünlərə üstünlük veriləcəkdir;

İş şəraiti və şərtləri:

• İş yeri: Gədəbəy və Ağdərə (Dəmirli)
• İş qrafiki: Növbəli iş qrafiki

Biz təklif edirik?

• Gədəbəy və Ağdərə (Dəmirli) iş sahələri üzrə yaşayış və qidalanma təminatı; 
• Tibbi sığorta;
• Rəqabətqabiliyyətli əməkhaqqı

Maraqlanan namizədlər CV-lərini mövzu hissəsində “Kimyəvi Analiz Laborantı” qeyd etməklə Müraciət et düyməsində qeyd olunan elektron poçt ünvanına göndərə bilərlər.