Elektrik mühəndisi

Tələblər: 

• Ali təhsil (Elektrik mühəndisliyi, Elektroenergetika, Avtomatlaşdırma mühəndisliyi və ya uyğun texniki sahə üzrə)

• Elektrik sistemləri, enerji təchizatı və sənaye avadanlıqlarının istismarı sahəsində minimum 2-3 il iş təcrübəsi.

• Elektrik avadanlıqlarının quraşdırılması, istismarı, diaqnostikası və nasazlıqların aradan qaldırılması üzrə bilik və bacarıq.

• Elektrik sxemlərini, layihələri və texniki çertyojları oxumaq və təhlil etmək bacarığı.

• Elektrik ölçü cihazları ilə işləmək və ölçmə nəticələrini analiz etmək bacarığı.

• MS Office proqramlarında işləmə bacarığı;

• Texniki problemləri operativ təhlil etmək və həll yolları hazırlamaq bacarığı;

• Komandada işləmək, məsuliyyətli olmaq və effektiv ünsiyyət qurmaq bacarığı;

Vəzifə öhdəlikləri:

• Elektrik, elektronika və avtomatlaşdırma sistemlərinin layihələndirilməsi, quraşdırılması, montaj və demontaj işlərini təşkil etmək, yeni layihələrin və proses dəyişikliklərinin texniki tələblərə uyğun həyata keçirilməsini təmin etmək.

• Müəssisədə istifadə olunan elektrik, elektronika, avtomatika və ölçü-nəzarət avadanlıqlarının etibarlı və fasiləsiz işləməsinə nəzarət etmək, onların test, təmir və profilaktik baxım planlarını hazırlamaq və icrasını təşkil etmək.

• Avadanlıqların texniki sənədlərinin, kataloqlarının, sxemlərinin və ehtiyat hissə siyahılarının hazırlanmasını, qeydiyyatını, arxivləşdirilməsini və aktual saxlanılmasını təmin etmək.

• Ehtiyat hissələrinin və texniki materialların ehtiyac planlamasını həyata keçirmək, minimum ehtiyat səviyyələrinə nəzarət etmək, sifariş proseslərini izləmək və onların səmərəli istifadəsi ilə bağlı təkliflər vermək.

• Enerji səmərəliliyinin artırılması, istismar və təmir xərclərinin azaldılması, avadanlıqların xidmət müddətinin uzadılması məqsədilə texniki təhlillər aparmaq və təkmilləşdirmə layihələrində iştirak etmək.

• Texniki cəhətdən müəssisədə istehsal edilə bilən ehtiyat hissələri və avadanlıqları müəyyənləşdirmək, elektrik və avtomatlaşdırma sistemlərinin optimallaşdırılması üzrə təkliflər hazırlamaq və tətbiqini təmin etmək.

Vəzifə üzrə əmək haqqı və digər üstünlüklər:

• Əmək haqqı: Razılaşma yolu ilə.

• Nahar şirkət tərəfindən təmin edilir.

Ünvan: İmişli rayonu. Digər bölgələrdən işçi alınacağı təqdirdə yaşayış yeri təmin ediləcəkdir.

Tələblərə cavab verdiyiniz təqdirdə CV-nizi [email protected] elektron poçt ünvanına göndərəbilərsiniz. Email-in mövzu hissəsində “Elektrik mühəndisi İmişli” qeyd etməyiniz xahiş olunur.