Landşaft və Yaşıllaşdırma Mühəndisi

CCN Holding 2007-ci ildən etibarən səhiyyə, tikinti, yaxtaçılıq, texnologiya, təhsil və turizm sahələrində fəaliyyət göstərən, 3 ölkədə 10 minə yaxın əməkdaşı olan şirkətlər qrupudur.

Qrup şirkətlərimizdən biri olan CCN İnşaat-ın Azərbaycan, Bakı şəhərində həyata keçirdiyi Olive Bay Layihəsi üçün  “Landşaft və Yaşıllaşdırma Mühəndisi”   axtarırıq.

Ümumi tələblər:

• Landşaft memarlığı, landşaft və yaşıllaşdırma, kənd təsərrüfatı mühəndisliyi, aqronomluq və ya digər müvafiq ixtisas üzrə ali təhsil;
• Landşaft, yaşıllaşdırma və ya tikinti layihələrində minimum 5 il iş təcrübəsi;
• Landşaft işlərinin planlaşdırılması və icrası, bitki seçimi, torpaq xüsusiyyətləri, gübrələmə, suvarma sistemləri və bitki mühafizəsi sahəsində biliklər;
• BOQ (Bill of Quantities), metraj və texniki spesifikasiyaların hazırlanması sahəsində təcrübə;
• Satınalma proseslərinə texniki dəstək göstərmək bacarığı;
• Podratçı və subpodratçı şirkətlərlə işin koordinasiyası və nəzarəti sahəsində təcrübə;
• AutoCAD və MS Office proqramlarında sərbəst işləmək bacarığı;
• Texniki layihələri və çertyojları oxumaq, təhlil etmək və tətbiq etmək bacarığı;
• Planlaşdırma, təşkilatçılıq, koordinasiya və problem həll etmə bacarıqları;
• Komandada işləmək bacarığı, məsuliyyətli və nəticəyönümlü yanaşma.

Vəzifə öhdəlikləri

• Tikinti layihəsi çərçivəsində landşaft və yaşıllaşdırma işlərinin planlaşdırılmasını, koordinasiyasını və icrasına nəzarəti həyata keçirmək;
• Landşaft iş paketlərini, texniki spesifikasiyaları və material siyahılarını hazırlamaq;
• Layihənin tələblərinə, iqlim və torpaq xüsusiyyətlərinə uyğun ağac, kol, qazon və digər bitki növlərinin seçimini və əkilməsini planlaşdırmaq;
• Torpağın hazırlanması, gübrələmə, bitki mühafizəsi və suvarma sistemləri üzrə texniki həllər hazırlamaq;
• Landşaft işlərində istifadə olunacaq material və avadanlıqlar üzrə metraj (BOQ) və miqdar hesablamalarını hazırlamaq;
• Satınalma prosesləri üçün texniki spesifikasiyalar və digər texniki sənədləri hazırlamaq, material və avadanlıqların seçimində texniki dəstək göstərmək;
• Təchizatçı və podratçı şirkətlərin texniki uyğunluğunu qiymətləndirmək, görülən işlərin icrasına nəzarət etmək;
• Landşaft işlərinin layihəyə, texniki tələblərə və keyfiyyət standartlarına uyğun icrasını təmin etmək;
• Sahədə görülən işlərə nəzarət etmək, keyfiyyət yoxlamalarını aparmaq və aşkar edilmiş uyğunsuzluqların aradan qaldırılmasını təmin etmək;
• Layihə rəhbərliyi və aidiyyəti şöbələrlə koordinasiyalı şəkildə çalışaraq işlərin qrafikə uyğun icrasını təmin etmək;
• Görülən işlər üzrə mütəmadi hesabatlar hazırlamaq.

Maraqlanan namizədlər CV-lərini mövzu hissəsində "Landşaft və Yaşıllaşdırma Mühəndisi” Müraciət et düyməsində qeyd olunan elektron poçt ünvanına göndərə bilərlər.