Ödəniş alətlərinin inkişafı şöbəsinin müdiri

Təsvir

• Ödəniş məhsulları və xidmətləri üzrə strategiyanın hazırlanmasını və icrasını təmin etmək;
• Yeni ödəniş məhsulları və xidmətlərinin yaradılması, inkişafı və bazara çıxarılması üzrə layihələri idarə etmək;
• Kart emissiyası və ekvayrinq məhsullarının inkişafını, optimallaşdırılmasını və idarə olunmasını təmin etmək;
• SmartPay ödəniş platformasının inkişafı, funksionallığının artırılması və məhsul portfelinin genişləndirilməsini təşkil etmək;
• ATM, POS, ödəniş terminalları, QR ödənişləri və e-commerce üzrə ödəniş xidmətlərinin inkişafını və fasiləsiz fəaliyyətini təmin etmək;
• Mobil və internet bankçılıq kanalları üzrə rəqəmsal ödəniş həllərinin inkişafını koordinasiya etmək;
• Açıq bankçılıq (Open Banking), API əsaslı xidmətlər və digər innovativ ödəniş həllərinin tətbiqini və inkişafını təmin etmək;
• Məhsullar üzrə biznes tələblərinin müəyyənləşdirilməsini və texniki tapşırıqların hazırlanmasını təşkil etmək;
• Prosessinq mərkəzləri, ödəniş sistemləri, xidmət təchizatçıları və digər tərəfdaşlarla əməkdaşlığı və əlaqələndirməni həyata keçirmək;
• Məhsullar üzrə tariflərin, limitlərin, xidmət şərtlərinin və digər kommersiya parametrlərinin formalaşdırılmasını təmin etmək;
• Məhsullarla bağlı prosedurların, qaydaların və digər normativ sənədlərin hazırlanmasını və yenilənməsini təşkil etmək;
• Məhsulların həyat dövrünü idarə etmək, performans göstəricilərini izləmək və təkmilləşdirmə tədbirlərinin həyata keçirilməsini təmin etmək;
• Bazar tendensiyalarını, rəqiblərin fəaliyyətini və müştəri ehtiyaclarını təhlil edərək yeni inkişaf imkanlarını müəyyənləşdirmək;
• Aidiyyəti struktur bölmələri ilə əməkdaşlıq çərçivəsində məhsulların tətbiqini, inkişafını və dəstəyini koordinasiya etmək;
• Şöbənin fəaliyyətini planlaşdırmaq, əməkdaşların işini təşkil etmək, fəaliyyət nəticələrini qiymətləndirmək və peşəkar inkişaflarını dəstəkləmək;
• Şöbənin fəaliyyəti üzrə müvafiq hesabatların hazırlanmasını və rəhbərliyə təqdim edilməsini təmin etmək.

Tələblər

Təhsil

• Maliyyə, İqtisadiyyat, Biznesin idarə edilməsi, İnformasiya texnologiyaları və ya digər əlaqəli sahələr üzrə ali təhsil.

İş təcrübəsi

• Bank, ödəniş xidmətləri və ya fintech sektorunda minimum 5 il iş təcrübəsi;
• Ödəniş məhsulları, kart biznesi və ya rəqəmsal bankçılıq sahəsində minimum 3 il iş təcrübəsi;
• Minimum 2 il rəhbər vəzifədə və ya komanda idarəetməsi sahəsində iş təcrübəsi.

Peşəkar bilik və bacarıqlar

• Bank və ödəniş xidmətləri sahəsini tənzimləyən qanunvericilik üzrə biliklər;
• Kart emissiyası və merchant acquiring məhsulları üzrə bilik və təcrübə;
• Visa və Mastercard məhsulları və xidmətləri üzrə biliklər;
• Mobil və internet bankçılıq məhsullarının inkişafı və idarə olunması üzrə təcrübə;
• Açıq bankçılıq (Open Banking) və API əsaslı xidmətlər üzrə biliklər;
• AZQR və digər rəqəmsal ödəniş həlləri üzrə biliklər;
• Məhsul idarəetməsi prinsipləri və məhsulun həyat dövrünün idarə olunması üzrə biliklər;
• Layihələrin idarə olunması və biznes analiz üzrə biliklər;
• Prosessinq mərkəzləri, ödəniş sistemləri və xidmət təchizatçıları ilə iş təcrübəsi;
• Biznes tələblərinin hazırlanması və texniki komandalarla işləmək bacarığı.

Dil bilikləri

• Azərbaycan dili – sərbəst;
• İngilis dili – yaxşı səviyyədə;
• Rus dili biliyi üstünlük hesab olunur.

Kompüter bilikləri

• MS Office proqramlarında sərbəst işləmək bacarığı;
• Jira və ya digər layihə idarəetmə alətləri ilə işləmək bacarığı üstünlük hesab olunur;
• Power BI və SQL üzrə biliklər üstünlük hesab olunur.

Şəxsi keyfiyyətlər

• Analitik və strateji düşüncə qabiliyyəti;
• Liderlik və komanda idarəetmə bacarıqları;
• Qərarvermə və problem həll etmə bacarıqları;
• Güclü ünsiyyət və təqdimat bacarıqları;
• Nəticəyönümlülük və təşəbbüskarlıq;
• Dəyişikliklərin idarə olunması və innovativ yanaşma bacarığı;
• Maraqlı tərəflərlə effektiv əməkdaşlıq qurmaq bacarığı.

Üstünlük hesab ediləcək

• Agile, Scrum, PMP, PRINCE2 və ya məhsul idarəetməsi üzrə beynəlxalq sertifikatların olması;
• Fintech və rəqəmsal ödəniş layihələrinin idarə olunması təcrübəsi;
• Beynəlxalq ödəniş sistemləri ilə bağlı layihələrdə iştirak təcrübəsi.