Hüquqşünas

İş şəraiti

• İşəgötürən: Eden Agro MMC
• Struktur: Hüquq və Dövlət qurumları ilə əlaqələr departamenti
• Birbaşa rəhbər: Hüquq və Dövlət qurumları ilə əlaqələr departamentinin rəhbəri
• İş yeri: Bakı şəhəri, Park View Biznes Mərkəzi
• İş qrafiki: 5 günlük iş həftəsi (09:00-18:00);

Eden Agro MMC, Azərşəkər MMC-nin törəmə şirkəti olmaqla müasir aqrotexniki yanaşmalar və yüksək məhsuldarlıq standartları əsasında bitkiçilik və istehsal proseslərini həyata keçirir.

Azərşəkər MMC ölkənin aparıcı aqrar-sənaye qruplarından biri olaraq, kənd təsərrüfatı, emal və istehsal sahələrində fəaliyyət göstərir.

Vəzifə öhdəlikləri:

• Dövlət orqanları, idarə və təşkilatlarla Cəmiyyət arasında rəsmi yazışmaların aparılmasını, məktub, sorğu və cavabların hazırlanmasını təmin etmək;
• Dövlət orqanları, idarə və təşkilatlardan daxil olan sorğuların təhlilini aparmaq, müvafiq struktur bölmələrlə koordinasiya etməklə cavab layihələrini hazırlamaq;
• Cəmiyyətin fəaliyyətinə aid icazə, razılıq, rəy, arayış, lisenziya və digər inzibati sənədlərin alınması prosesində iştirak etmək və prosesi təqib etmək;
• Rəsmi qurumlarla keçirilən görüşlərdə, iclaslarda və rəsmi tədbirlərdə iştirak etmək, nəticələr üzrə hesabat hazırlamaq;
• Dövlət orqanları tərəfindən qəbul edilən qərarların, göstərişlərin və tələblərin icrasının koordinasiyasında iştirak etmək;
• Qanunvericilikdə baş verən dəyişiklikləri izləmək, Cəmiyyətin fəaliyyətinə təsir edən normativ aktlar barədə rəhbərliyi məlumatlandırmaq;
• Dövlət qurumları ilə münasibətlərdə yaranan riskləri müəyyən etmək və Departament Rəhbərinə müvafiq məlumat və təkliflər təqdim etmək;
• Dövlət qurumları ilə iş üzrə arxivləşdirməni, sənədlərin uçotunu və elektron sistemlərdə qeydiyyatını aparmaq;
• Departament Rəhbərinin tapşırığı ilə digər hüquqi və təşkilati məsələlərin icrasında iştirak etmək.

Vəzifə tələbləri:

• Hüquq üzrə ali təhsil;
• Hüquqşünas vəzifəsində minimum 1 il iş təcrübəsi;
• Aqrar, istehsal, logistika, torpaq idarəçiliyi və ya kommersiya fəaliyyəti ilə məşğul olan şirkətlərdə iş təcrübəsi üstünlükdür;
• Dövlət orqanları, bələdiyyələr, notariat orqanları, daşınmaz əmlak və torpaq idarəetmə qurumları ilə iş təcrübəsi;
• Hüquqi sənədlərin, rəy, hesabat və arayışların hazırlanması bacarığı.
• Təsərrüfat əraziləri üzrə konfliktlərin idarəedilməsi
• Hüquqmühafizə orqanları ilə işlərin aparılması
• Aşağıdakı sahələr üzrə zəruri hüquqi biliklərin olması nəzərdə tutulur:
• Mülki qanunvericilik;
• Torpaq qanunvericiliyi;
• Torpaqların təyinatının dəyişdirilməsi, istifadəsi, icarəsi və idarə edilməsi ilə bağlı hüquqi normalar;
• Daşınmaz əmlakın dövlət qeydiyyatı və kadastr məsələləri;
• İnzibati icraat və inzibati məhkəmə icraatı;
• İcra haqqında qanunvericilik;
• Ətraf mühitin mühafizəsi, su ehtiyatlarından istifadə, suvarma və kənd təsərrüfatı fəaliyyəti ilə bağlı əsas normativ tələblər;
• Lisenziya, icazə və sertifikatlaşdırma prosedurlarının əsasları.Sürücülük vəsiqəsi (B) olmalı.

Biz təklif edirik:

• Hüquq sahəsində praktiki təcrübə qazanmaq imkanı;
• Peşəkar komanda ilə işləmək və mentor dəstəyi;
• Karyera inkişafı və gələcəkdə daimi işlə təmin olunma perspektivi;
• Korporativ iş mühiti və peşəkar inkişaf imkanları.

Qeyd olunan tələblərə uyğun namizədlərdən öz CV-lərini mövzu bölməsində “Hüquqşünas” qeyd edərək Müraciət et düyməsində qeyd olunan elektron ünvanına göndərilməsi xahiş olunur.