Maliyyə üzrə Təcrübəçi

İş şəraiti

• İş qrafiki: Həftədə 5 iş günü;
• İş saatları: 09:00 - 18:00;
• Şənbə və bazar günləri istirahət günləridir;
• İş yeri: Bakı;
• Maliyyə və mühasibatlıq sahəsində praktiki təcrübə, peşəkar inkişaf və gələcək karyera imkanları.

Vəzifə öhdəlikləri

• 1C 8.3 proqramında maliyyə və mühasibat əməliyyatlarının aparılması prosesində iştirak etmək;
• Maliyyə sənədlərinin yoxlanılması, sistemləşdirilməsi və arxivləşdirilməsinə dəstək göstərmək;
• Maliyyə məlumatlarının toplanması, emalı və ilkin təhlilində iştirak etmək;
• Daxili maliyyə əməliyyatlarının düzgünlüyünün yoxlanılması prosesində iştirak etmək;
• Müştəri şirkətlərdən daxil olan maliyyə məlumatlarının dəqiqləşdirilməsi üçün operativ ünsiyyət qurmaq;
• Sayım və inventarlaşma proseslərində iştirak etmək, nəticələrin uçot məlumatları ilə uyğunluğunu yoxlamaq;
• Aşkar olunan uyğunsuzluqların qeydiyyatını aparmaq və məsul əməkdaşlara məlumat vermək;
• Rəhbərlik tərəfindən verilən maliyyə yönümlü tapşırıqları vaxtında və məsuliyyətlə icra etmək.

Əsas tələblər

• Maliyyə, Mühasibatlıq, İqtisadiyyat və ya əlaqəli sahə üzrə ali təhsil və ya son kurs tələbəsi olmaq;
• 1C 8.3 proqramı üzrə ilkin nəzəri və ya praktiki biliklərə sahib olmaq;
• Maliyyə və mühasibat uçotunun əsasları barədə anlayışa malik olmaq;
• Yüksək diqqət, detalları görmək və məlumatlar arasındakı uyğunsuzluqları aşkar etmək bacarığı;
• Güclü analitik düşüncə, məntiqi nəticə çıxarma və çevik qərarvermə qabiliyyəti;
• Yeni məlumatları sürətlə mənimsəmək və öyrənməyə yüksək motivasiya;
• Güclü yazılı və şifahi ünsiyyət bacarığı;
• Məsuliyyətli, intizamlı, təşəbbüskar və nəticəyönümlü olmaq;
• Komandada işləmək və eyni zamanda verilən tapşırıqları müstəqil icra etmək bacarığı.

Üstünlük hesab olunur

• F3 (Financial Accounting) sertifikatının olması;
• İngilis dili biliyi;
• Maliyyə, mühasibatlıq və ya audit sahəsində təcrübə və ya təcrübə proqramında iştirak;
• 1C 8.3 proqramı ilə praktiki işləmə təcrübəsi.

Uyğun namizədlər CV-lərini mövzu hissəsində “Maliyyə üzrə Təcrübəçi” qeyd etməklə Müraciət et düyməsində qeyd olunan elektron poçt ünvanına göndərə bilərlər.