Marketinq və bazar analizi üzrə mütəxəssis

İş şəraiti

• İş yeri: Bakı
• İş qrafiki: Tam ştat, həftə içi 5 gün
• Əmək haqqı: əmək haqqı + nəticəyə bağlı bonus (müsahibə zamanı razılaşdırılır)

Vəzifə öhdəlikləri

Bazar analizi (işin əsas hissəsi):

• Bazar həcminin, tələbatın və trendlərin araşdırılması; yeni məhsul/xidmət istiqamətləri üzrə əsaslandırılmış təkliflərin verilməsi;
• Rəqib analizinin mütəmadi aparılması: rəqiblərin çeşidi, qiymətləri, aksiyaları və satış kanallarının izlənməsi, müqayisəli hesabatların hazırlanması;
• Qiymət analizi və qiymətqoyma üzrə təkliflər: hansı məhsulda marja artırıla bilər, hansında qiymət bazardan kənardır;
• Şirkətin satış datasının analizi: hansı məhsul, müştəri qrupu və bölgə qazandırır — satış səylərinin düzgün istiqamətə yönəldilməsi üçün aylıq analitik hesabat;
• Müştəri rəyi və tələbatının öyrənilməsi (sorğular, satış komandasından geri dönüşlər), itirilmiş müştərilərin səbəb analizi;
• Yeni bazar seqmentlərinin və satış kanallarının (bölgələr, korporativ müştərilər, topdan/pərakəndə) qiymətləndirilməsi;

Marketinq (analizin icra hissəsi):

• Analiz nəticələrinə əsaslanan marketinq planının hazırlanması və icrası;
• Ödənişli reklam kampaniyalarının qurulması və idarəsi (Meta Ads, Google Ads), sosial media hesablarının aparılması;
• Kampaniyalardan gələn müraciətlərin qeydiyyatı və satış komandasına ötürülməsi;
• Hər kampaniya üzrə nəticə hesabatı: xərc, müraciət sayı, müraciətin maya dəyəri, satışa çevrilmə faizi.

Namizədə tələblər

• Marketinq, iqtisadiyyat, biznesin idarə edilməsi və ya oxşar sahədə ali təhsil;
• Marketinq və ya bazar araşdırması sahəsində minimum 2-3 il təcrübə (ticarət/distribusiya şirkətində təcrübə üstünlükdür);
• Güclü analitik bacarıq: Excel-də sərbəst iş (pivot cədvəllər, əsas funksiyalar); Power BI bilikləri ciddi üstünlükdür;
• Bazar və rəqib analizi aparıb nəticəni konkret təklifə çevirmə təcrübəsi — müsahibədə real nümunə istəyəcəyik;
• Rəqəmsal reklam alətləri (Meta Ads, Google Ads) ilə praktiki iş təcrübəsi;
• Hesabat və təqdimat hazırlama bacarığı (PowerPoint);
• Azərbaycan dili sərbəst; rus dili üstünlükdür;
• Nəticəyə yönümlülük və təşəbbüskarlıq — hazır tapşırıq gözləyən yox, bazarı analiz edib təklif gətirən namizəd axtarırıq.

Maraqlanan namizədlər CV-lərini və (varsa) hazırladıqları analiz/kampaniya nümunələrini mövzu (subject) hissəsində “Marketinq və bazar analizi” qeyd etməklə Müraciət et düyməsində qeyd olunan elektron ünvanına göndərə bilərlər. Yalnız tələblərə uyğun namizədlərlə əlaqə saxlanılacaqdır.