Plitonit Məhsulları üzrə Satış Meneceri (Aktiv Satış / Sahə üzrə)

"İnversal" MMC tikinti materiallarının satışı və podrat layihələri sahəsində fəaliyyət göstərən peşəkar komandamıza qoşulacaq, sahədə aktiv işləməyi bacaran, Plitonit brendinin məhsulları üzrə nəticəyönümlü Satış Meneceri axtarır.

Vəzifə Öhdəlikləri:

• PLITONIT məhsul kateqoriyalarının (quru tikinti qarışıqları, plitə yapışdırıcıları, su izolyasiyası, dərz dolğuları və s.) aktiv satışının həyata keçirilməsi;
• Sahə üzrə (Marşrut/Aktiv rout əsasında): Tikinti obyektlərini, layihələri, podratçı şirkətləri, usta briqadalarını, pərakəndə mağazaları və satış nöqtələrini mütəmadi ziyaret edərək yeni müştərilərin cəlb olunması;
• Mövcud müştəri bazası ilə əlaqələrin möhkəmləndirilməsi və satış dövriyyəsinin artırılması;
• Müştərilərin texniki ehtiyaclarına uyğun doğru kateqoriyadakı məhsulun təklif edilməsi;
• Kommersiya təkliflərinin hazırlanması, danışıqların aparılması və müqavilələrin bağlanması;
• Satış planının və müəyyən olunmuş göstəricilərin yerinə yetirilməsi;
• Satışdan sonrakı debitor borclarına və ödəniş qrafiklərinə nəzarət edilməsi;
• Görülmüş işlər və satış nəticələri üzrə rəhbərliyə mütəmadi hesabatların təqdim olunması.

Namizədə Dair Tələblər:

• Tikinti materiallarının aktiv satışı və sahə işi (Rout/Aktiv marşrut) üzrə praktiki təcrübə;
• Dil Bilikləri: Rus dilİ səlis ünsiyyət bacarığı (Mütləqdir təlimlərə görə);
• Müştəri Portfeli: Tikinti layihələri, podratçılar, usta briqadaları və ya mağazalar üzrə hazır/aktiv müştəri portfelinin olması böyük üstünlükdür;
• Ali təhsil tələb olunmur — bizim üçün əsas göstərici namizədin satış bacarığı, sahədə aktivliyi, ünsiyyət yetənəyi və nəticə verməsidir;
• Səliqəli xarici görünüş, məsuliyyət, punktuallıq və dürüstlük;
• Şəxsi avtomobilin olması və aktiv sürücülük təcrübəsi üstünlükdür.

Spesifik kateqoriya təcrübəsi (Üstünlükdür): Aşağıdakı məhsul kateqoriyaları üzrə satışı ilə daha öncə məşğul olmuş namizədlərə mütləq üstünlük veriləcəkdir:

• Kafel, metlax və keramoqranit yapışdırıcıları;
• Su izolyasiya (hidroizolyasiya) materialları və sistemləri;
• Dərz dolğuları (fuka/zatirka) və astarlar (qruntlar);
• Özüyayılan döşəmə şapları və təmir/bərpa qarışıqları.

İş Şəraiti və Təminat:

• İş rejimi: Tam iş günü (Aktiv sahə görüşləri + ofis hesabatlılığı);
• İş yeri / Ünvan: Sabunçu rayonu, Bakıxanov qəsəbəsi, Bəşir Bünyadov küçəsi 1C (*"İstikbal Mebel Outlet Bakıxanov"*un yanı); Nəqliyyat rahatlığı: "Koroğlu" metro stansiyasından cəmi 1.2 km məsafədə yerləşir.
• Azərbaycan Respublikası Əmək Məcəlləsinə uyğun rəsmi rəsmiləşdirmə;
• Əməkhaqqı: Müsahibə əsasında (Namizədin təcrübəsinə və müştəri portfelinə uyğun olaraq razılaşma yolu ilə);
• Bonus Sistemi: Satış planının icrasından və toplanan debitor borcdan asılı olaraq yüksək faiz/bonus imkanı;
• Təlimlər: PLİTONİT məhsul kateqoriyalarının texniki xüsusiyyətləri üzrə şirkət tərəfindən xüsusi təlimlərin keçirilməsi;
• Şəxsi avtomobildən istifadə edildikdə nəqliyyat/yanacaq xərclərinin şirkət tərəfindən qarşılanması.

Maraqlanan namizədlər CV-lərini mövzu hissəsində “Plitonit üzrə Satış Meneceri” qeyd etməklə Müraciət et düyməsində qeyd olunan elektron poçt ünvanına göndərə bilərlər..

Qeyd: Vakansiya təcilidir. Yalnız tələblərə uyğun namizədlərlə əlaqə saxlanılacaq və müsahibəyə dəvət olunacaqlar